| Name |
Nachricht |
IndiHofmann
Konsul
1144 Beiträge
|
"Maigischa Kerwa", 11 Oct. 2008 10:42
|
Die Kerwa,
das di Kerwa des schenste Fest im Joahr is was wul jeda. Di Kerwa wu obba ich mah is di Maigischa Kerwa ( Weingarts ), des dazühl ich eich etz amol.
Also afanga duts scho 3-4 Wochen ehrer, do seng si di Kerwasbum zan erschtn mol wal do minja Kerwahemma ausgsugt wern. Da Kabbo mus gwählt wern und nu a boar annan,obba vühl bessa is des woarmsinga und dringn. Richdi fängt di Kerwa an 2tn sundoach im Juli oah. Di letzte Wochen vorm Sundoach is dodoahla schtress, etz gihts luhus.
Also am Mondoach wern di Hemma vodahlt und des Geld kassiert, di Bum wern zöhlt und des Freibia ausgmacht dann werd nernu gsunga.
An Dienstag werd da alte Bam umgworfn glah gmacht weggfoahrn.
Mittwoch demma di altn Pfloggn wegfoahrn und neia huln, desBamluch werd a saubagmacht.
Dunnerstoach is, etz gribbilds scho mehrer. Do wern di Junga Birgla kuld, etzatla Obachtgebast
do gibt’s a nu Saura Lunga.
An Freitag werd dann blus nu des Achnlab firs Kroazbinden kuld und zan Essen gibts a Greefleisch, a gute Musig schpühlt anu.
Etz kumman di drei Schlimmsten Doach.
Da Samstoach fengt fir mir langweili oah ich mus an Kroaz bindn, die annan huln an Bulldog den
Laddawong und di 6 Stitzl di wern glei boarweiss met Eisenketten zamgrattelt. Met di junga Birgn
werd alles gschmügd wi des Zelt, wertshaus, Bulldog, Laddawong, di nächstn zwa doach braung
ma anu a boar. Su wenns suweit sen di Bum dann foarns metn Bulldog und an Laddawong nein
woald ( obba scho met a boar kastn Bia ) und wenn ich metn Kroaz ferti bi schlappi hal naus
nein Woald do musis halt sung. Im Woald is dann scheh, a gerenn der a soagt des is a schena Bam, der anna soagt der hot a bessara grona, bla bla bla. Irgentwenn werd dann doch ana Umgsehgt,
aufgast auf di Fuhr zan Laddawong, do werda aufglodn. Am Dorfrond werd da Kerwabam gschmügt
a Fessla bia aufgloadn und di Bloaskabbeln kumt a glei gloffn, zan Wertshaus werd dann noa gschpühlt
und da Bam werd aufgstellt. Zan Essen gibt’s allas, alla Brohdn gibt’s, Schnitzl, Haxn, Brotwerscht, zan
Dringn scho a. Um Siemer fengt die Musig endli a, a Bamwach gits freili a.
Da Sundoach is dann fast scho a Ruhedoach gega-iba Samsdoach, do werd blus di Kerwa ausgrom.
do treffn si di Kerwabum om Nachmittag ( wenns ihrn rausch ausgschlofn han ), holn an Bulldog und an grusn Woang allas zam werd nu met di restlin Birkn gschmigt. Aufm Woang kumman dann nu zwa
Biadieschganidurn,etz werd nu auf di Bloaskabbeln gwadd. Wenn di zwa Schäfa met ihr Betzn do sen
werd si dann Aufgschtellt. Etz werd luhsgfoarn und die Schäfa lafn vorm Bulldog und di Musig
schpühlt vorndroh. Etz werd durch denn halbn Dorf gsunga und gschpühlt, middendrin werd dann
aufn weg a Fässla Bia ausgrohm. Semma widda bon Wertshaus singma nu aweng weida, Musig gids dann an ganzen doach.
Da Mondoach is dodoal schdressi. Frih oarch frih wenns da Rausch zulesst wern Kigla eigschpühlt,
um neina scho geht’s vom Wirth aus durchs ganza Dorf. Do wird widda da Bulldog met Henga kult
und die Benk wida naufgschdölld fir da Bloasmusig. Di Bum lahfn met zwa Gieskanna vull Bia vorndreih, da Kabbo und da Kassia lafn in di Heisa und sammeln geld. Um sexa werd dann Betznaustanzt. Des gith su,
di burschen machen si erscht amol zrecht di Schäfa met ihr Betzn a, wenn di Bloaskabbeln a do is
werd si widda aufgschtölld, vorn di Musig dann Schäfa am end die Bum. Etz werd widda lusgloffn,
di Musig schpühlt dabei und a jeds Betzenmadl werd obkult. Wenn alla Bärla zam sen geht’s widda
zrig zan Wirth, do schteht a glana Fichtn aufm disch und a Wecker. Bon Betzenaustanzen tanzt ma um den disch rum, a bärla hot a weidn in da Hend. Di burschen singan und di Kabbeln schpühlt di lida noach, noach ungfair zehr minutn klingelt da Wecka, di zwa di wu di Weidn ham - ham an
Betzn gwunna. Etz werd dann met alla zum Betznmadla noahgloffn do gits a Bruhtzeit,wenn alla soatt sen giht’s widda zrig und s werd ner nu gfeiert.
Diensdoach werd di Kerwa Eigrohm met an Soarch di Bum schwärzn si oah, a haufn Blechbixn wern zambundn und um elfa gihts luhs met jauln und Greina. Am Mitwoch gits des Betznessn des vom Betznbum zoahlt werd, Lida hobi anu ( 68 stk. ) Su wars in mei 14er Jahr als Kerwabursch.
Verfasser Indi Hofmann
Geändert von IndiHofmann am 24.Jan.2011 21:47
|
|
| |
|
| |
Beitragsbewertung:
|
Lautertaler
Moderator
4493 Beiträge
|
RE: "Magischa Kerwa", 15 Oct. 2008 20:56
|
Hast Du das selbst geschrieben - dann Hut ab, ich finde es immer schwierig in Mundart zu schreiben. Obwohl ich nur innerhalb des Landkreises umgezogen bin, habe ich Probleme mit der Mundart - es gibt einfach schon von Ortschaft zu Ortschaft unterschiedliche mundartliche Bezeichnungen für den gleichen Gegenstand. Verstehen ist kein Problem, sprechen schon eher. Die Mundartgedichte der Anneliese Hübner bereiten mir da schon einige Schwierigkeiten.
Übrigens das Bier aus der Gießkanne zu trinken beim Stenderlesspieln, dass kenne ich nur zu gut-  )
Gruß Dieter
|
|
| |
Beitragsbewertung:
|
Rirumu
Gelehrter
125 Beiträge
|
RE: "Magischa Kerwa", 16 Oct. 2008 15:13
|
Zum Thema "Coborcher Mundart" kann ich ein Buch empfehlen:
Eduard Hermann: "Die Coburger Mundart"
Es ist ein relativ dicker Welzer, aber sehr spannend zu lesen. Es wurde von der Coburger Landesstiftung und der Gesellschaft für Coburger Heimatkunde und Landesgeschichte im Jahr 1957 herausgegeben.
Darin findet man auch mein Lieblingsgedicht von Friedrich Hofmann:
A Koborcher bin ich,
dös wisst ‘e von je,
und als Koborcher red ich halt,
wie ich ‘s vasteh.
Zun Schöö-getu freilich,
do bin ich ze faul,
denn a Koborcher nimmt sich
ka Blatt net ver‘sch Maul.
Kleine Frage nebenbei:
Gibt es die Gesellschaft für Coburger Heimatkunde und Landesgeschichte noch?
|
|
| |
Beitragsbewertung:
|
IndiHofmann
Konsul
1144 Beiträge
|
RE: "Magischa Kerwa", 07 Dec. 2008 19:15
|
Hallo Leute,
ich hab eine Spitzennachricht.Passent zu meiner Kerwagschicht habe ich jetzt glücklicherweise die Kerwaslieder wieder gefunden ( 69 Verse ), ich hatte die schon lange vermisst oder verschlammt. Die Wirtin bei der sich die Kirchweiburschen aufhalten hatte ja noch einen Satz der von mir verfassten Verse. Natürlich alles in Mundart.
Gruß Konni
|
|
| |
Beitragsbewertung:
|
Lautertaler
Moderator
4493 Beiträge
|
RE: "Magischa Kerwa", 07 Dec. 2008 19:25
|
Hallo Konni,
ich würde sagen, die solltest uns nicht vorenthalten.
LG Dieter
|
|
| |
Beitragsbewertung:
|
IndiHofmann
Konsul
1144 Beiträge
|
RE: "Magischa Kerwa", 07 Dec. 2008 20:04
|
Hallo Dieter,
also ich bin dazu bereit aber ihr? Für den Knoten in eurer Zunge bin ich nicht Schuld.
Gruß Konni
|
|
| |
Beitragsbewertung:
|
IndiHofmann
Konsul
1144 Beiträge
|
RE: "Magischa Kerwa" - Kerwaslieda, 07 Dec. 2008 20:08
|
1.
Hodma weida nix gfaln wies Weidn oschnein
hollari hollara hollreidium
bo di Mala rumkugeln und Lumbarei treim
hollari hollara hollreidium.
2.
Ja mir sen hal di Börschla vom Andresn-Wertshaus
holladireidium holladireidium
Mir tanzen da Kerwa an Maiabam aus
Holladirei direidium.
3.
O du lumbats bumbats Bauernmadl mid dein hoarin Instrument,
wenn du manst ich find dei Bumbl net ich hob scho in da Hend,
Fidi rulla rulla rulla rulla rulla rulla rullala
Und du manst ich find dei BumbI net ich hob scho in da Hend.
4.
Hinda zwa Gerschtnsäck do hot sis fori gschtreckt
Do hobran eini gschteckt des hodra gschmeckt
5.
Gestern ibern Sundoch hobi ana bembern wölln
gestern ibern Sundoch heid glabts
6.
Drei riba drei nieba im Bauernhof nei
Hollri hollra hollreidium,
Der Huf keart an Bauern des madla keart mei
hollri hollra hollreidium.
7.
Auf Fensterln bin i ganga da Lattarn nauf gschting
hollri hollra hollreidium,
a Sprossn durchbrochng men Sog hänga bliem,
hollri hollra hollreidium,
8.
Auf Fensterln bin i ganga hobs noni gscheid kennt
hollri hollra hollreidium,
nain Saischtoll nai kumma an Seibern obrennt,
hollri hollra hollreidium,
9.
Do druntn aufm Rah do hobi ana bembern wölln,
etz soagt des Luda na, dei Bembara is za gla.
10.
Do druntn aufm Rah do hobi ana bembern wölln,
etz hot des Luda blut, mei Bembara woar kabutt.
11.
Do druntn aufm Rah do hobi ana bembern wölln,
etz hot des Luda gschissn, mein Bembara hots zarissen.
12.
Ja wenn‘s deine Leid net leiden wolln und meine wollns net hom net hom,
ja dann magst dei Bett im Weier nei dann konn di kana hom,
Fidi rulla rulla rulla rulla rulla rulla rullala,
ja dann magst dei Bett im Weier nei dann konn di kana hom.
13.
Mei Nachbari mei Nachbari des is a alta Suln
holladireidium holladireidium
di geht bo uns in Kölla noh und brunst ma auf di Kulln
holladireidium, kennst di aus.
14.
Oh du schös Bierla met dein schneewaisn Scham
Vor halba viera gema net ham,
gema net ham net ham, hogt a schwoatz Ding daham.
schaut wie da Teifel aus drin in mein Haus.
15.
Gestern binni barfas ganga durch an seichtn Weier,
kummt a alta Fisch doher und beist man nei mein Husaba.
16.
Ja oba Mudda do schau her, mir wechst a schöbbala Hoar om Bauch,
i glab i wär a Bär, ja oba Muuda do schau her.
17.
Hintern Stodl auf da Wiesn hobis ana gwisn,
erscht hots grinna dann hots glacht,
dann hammas gleich numol gmacht.
18.
Ja des Vöchala aufm Nussbam des hot mi aufgwegt,
holladireidium holladireidium,
sunst het i verschlofn in mein Schatzl ihrn Bett,
holladirei direidium .
19.
Kerwala kerwala los ner net nooch net noach,
kerwala kerwala los ner net nooch.
Dauerts dauerts dauerts ka 14er dooch
Dauerts dauerts ka 14er doach.
Geldbail geldbail los ner net noach net noach,
geldbail geldbail los ner net noach.
20.
Schneeweis wi Disteln bliehn, mei Schatz is net vo hi,
der kummt vo drausen rei, der Schatz kert mei.
21.
In Oberdorf und Underdorf wachsen Gelbarum
holladireidium holladireidium,
und wenn di Mala kinna gring dann schim sis auf di Bum,
holladireidium, kennst di aus.
22.
Tschwetschgakern Tschwetschgakern Mala los dei Bumbel schern,
ibers Joar ibers Joar wachsen wida neia Hoar
23. Mei Vota hots gsoagt und mei Mudda soagts a,
hollri hollra hollreidium,
du bist nu a Lausbu du brauchst nu ka Fra
hollri hollra hollreidium.
24.
Mir ham hal an Jamma in unnara Gma
holladireidium holladireidium,
di Kerng is su grus und des Wertshaus su gla,
holladirei direidium.
25.
Geh ham du altes Luda und leg di nei dei Federbett
Und soag zu deina Muda es hot di kana gmechd.
26.
A alta Fra met dreg eigschmiert met Leder übazung
holladireidium holladireidium,
an Federwisch nain oarsch nai gschtegt dann is des Luda gflung.
holladirei direidium.
27.
Mei Vodda is im Himmel drom und ich bin auf da Welt
holladireidium holladireidium,
der muss mi ganz vergessn hom,
der schigt ma goar ka Geld.
holladirei direidium
28.
Ja i wollt i wär im Himml drom und hät a Fässla bier a bier,
ja i hupfat auf di wolgn rum und saufad wi a Stier,
Fidi rulla rulla rulla rulla rulla rulla rullala,
und i hupfat auf di Wolgen rum und saufad wi a Stier.
29.
Ja mei Vodda hot gsoagt i soll an Ufn oschiern,
holladireidium holladireidium,
Und ich hob vostandn ich soll Mala bussirn
holladirei direidium.
30.
Und das ich a lustis Börschla bin des sicht ma o mein Haus mein Haus,
und da hinda Giebl waggeld scho da vorda föllt bal raus,
Fidi rulla rulla rulla rulla rulla rulla rullala,,
und da hinda Giebl waggeld scho da vorda föllt bal raus.
31.
Ja und das mei Haus net eiföllt ja do sorgi scho dafür dafür,
und dahinda steht da Advokat davor da Grichtsvollzier,
Fidi rulla rulla rulla rulla rulla rulla rullala,
und dahinda steht da Advokat davor da Grichtsvollzier.
32.
Wenn alle Mala tanzn und meina kummt net rum net rum
mit ihra grusn Ranzn ich scher mi a nix drum.
33.
Der met sein grusn Frack, des is a grusa Schlack,
der brennt di Mala o, und rennt davoh.
34.
Heid is unsre heid is unsre heid is unsre kärwa,
wenn ma a ka geld net ham dann mach man rechten Lärma,
sterbt mei fra sterbt mei fra hara i a andre,
sterbt si net su brechras gnig und soag si is im Bett erstickt.
35.
Ja woas is denn mit da Musig wal mas goar nimma hert,
holladireidium holladireidium,
di sitzt in da Kichn und schpüld aufm herd,
holladirei direidium.
36.
Da Baumon hot zwa schena bum an grusn und an glan,
holladireidium, holladireidium,
da Gla da schibt di Mala rum da grus da sefd si zam,
hollarireidium, kennst di aus.
37.
Ja di Maigischa Mala di manan sen sche,
holladreidium, holladreidium,
dabei hams di Goschn vull eigsetzter zä,
holladirei direidium.
38.
Ja wenn ich des ding nu a mal sech dass du bo meina Schwoazn bist,
ja dann zich a di vom Lodn ro und hau di sagrisch o,
Fidi rulla rulla rulla rulla rulla rulla rullala,
ja dann zich a di vom Lodn ro und hau di sagrisch o.
39.
Di Maigischa Mala ham weisa Strimf o,
hollri hollra hollreidium,
di braungs net waschn di brunsns gleich o,
hollri hollra hollreidium.
40.
Ja mir sen net vo Schellnbach mir sen net vo Gschoa,
hollaridelreidium, hollaridelreidium,
mir sen halt an Erich sei lustige Schoar,
holladirei direidium.
41.
Ja ja des Maigisch des is gla,
und wenn da bu zum Mala geht dann was di ganze gma,
Ja ja des Maigisch des is gla.
42.
Zwischn Bamberch und Nirnberch do steht a Tunel,
holladireidium, holladireidium,
wema nei fährt werds dunkel wema raus fährt werds hell.
holladirei direidium.
43.
Auf Kunreith bin i ganga bei sturm und bei reng,
hollaidreidium, holladireidium,
auf Kunreith gini nimma di lusch grigt a Kied,
holladirei direidium.
44.
Und des Mala wos si rutschn lest des foarma met da Kutschn weg
und dann foarmas iba berg a tol do hammas ibaroll,
Fidi rulla rulla rulla rulla rulla rulla rullala,
und dann foarmas iba berg a tol do hammas ibaroll.
45.
Und des Mala wos si rutschn lest des foarma met da Kutschn weg
und dann foarmas iba Eschenau di dunna wedda sau,
Fidi rulla rulla rulla rulla rulla rulla rullala,
und dann foarmas iba Eschenau di dunna wedda
sau.
46.
Und des Mala wos si rutschn lest des foarma met da Kutschn weg
Und dann foarmas iba Ottensos do bagmas dann im Moos,
Fidi rulla rulla rulla rulla rulla rulla rullala,
Und dann foarmas iba Ottensos do bagmas dann im Moos.
47.
Kerzagrod kerzagrod steht da Maiabam,
steht da Maiabam, steht da Maiabam,
Kerzagrod kerzagrod steht da Maiabam,
steht da Maiabam, kerzagrod.
48.
Ja obba Musik spülts auf ihr werd scho wos gring,
holladireidium holladireidium,
ihr derft in da Kichn di Della oschpüln,
holladirei direidium.
49.
In Hausen dens mausen in Sigritza a,
holladireidium holladireidium,
in Dobareit da Pfara in Reith di ganz Gma
holladirei direidium.
50.
Ja di Kärwa is kuma und di kärwa is do,
holladireidium holladireidium,
und di alten di brumma und di Junga sin froh,
holladirei direidium
51.
Ja des Maigisch des is grus,
und wenn da Bu zum Mala gehd dann is da teifl lus,
ja ja des Maigisch des is grus.
52.
Mir ham hal a Kärwa a kärwa ham mir,
holladireidium holladireidium,
Mir ham hal a Kärwa in unsan Revier,
holladirei direidium.
53.
Di Maigischa Madla di ham an schen brauch,
holladireidium holladireidium,
di schten voa da Hausdir und kratzn ihrn Bauch,
holladirei direidium.
54.
Wenn ich da Erich wär soachadi goar nix mer,
gengad an Budn nauf hängad mi auf.
55.
Wenn ich da Erich wär soachadi goar nix mer,
gengad an kella no Brunsad mi oah.
56.
Mei Vodda is Bägga und Bägga bin i,
holiadireidium holladireidium,
mei Vodda bägt brödla und Mala bag i.
holladirei direidium.
57.
Mei Vodda is Metzga und Metzga bin i,
holladireidium holladireidium,
mei Vodda sticht Sai und Mala stech i.
holladirei direidium.
58.
Ja obba Erich wos is lus, vielleicht zollsd bal a Kärwasmos,
ja obba Erich wos is lus, vielleicht zollsd bal a Fos.
59.
Ja ja den Erich schmir ma aus,
den scheiss ma vor da Hausdir noa dann konna nimma raus,
ja ja den Erich schmier ma aus.
60.
Und wenn da Schäfa reitn will dann sattlt da sein Bug sein Bug,
und dann hautan in di Eia nei dann lefta in Galop,
Fidi rulla rulla rulla rulla rulla rulla rullala,
und dann hautan in di Eia nei dann lefta in Galop,
61.
Ja zwölf Burgamasda und dreizea Schandoarm,
hollri hollra hollreidium,
di los man net kold wern di ess ma gleich woarm,
hollri hollra hollreidium.
62.
Mir gen net ham net ham,
hogt a schwoatz Ding daham,
schaut wi da Teifl aus,
drin in mein Haus.
63.
Ja des Bamberch und Nürnberch sen zwa schena Schtädt,
holladireidium hoiladireidium,
ja wos wär denn des Bayern wenn‘s Maigisch net hätt
holladirei direidium.
64.
Gestern ibern Sundoag is di Katz nein dorn nei dren.
gestern ibern Sundoag heid gnaps.
65.
In Oba und in Undadorf do wachsen gelba Birn,
holladireidium holladireidium,
und wenn da Bu zum Mala gehd dann willas gleich brobiern,
holladireidireidium.
66.
Ja und auf da Kärwa freia mi do danzi met da Baieri
und di hot a zrissens Hemat oa do heng mi hintn oa,
Fidi rulla rulla rulla rulla rulla rulla rullala,
und di hot a zrissens Hemat oa do heng mi hintn oa.
67.
Wenns drei Wochen rengt und hört gar nimma auf
holladireidium holladireidium,
geh i zu mein Schatz und wenn i halmi dasauf,
holladirei direidium.
68.
Drei Doach drei Doach gema nimma ham, gema nimma ham, gema nima ham,
Drei Doach drei Doach gema nimma ham, gema nimma ham, drei Doach.
Verzehr Doach Verzehr Doach sauf ma uns recht zam, sauf ma uns recht zam, sauf ma uns recht zam, Verzehr Doach Verzehr Doach sauf ma uns recht zam ,sauf ma uns recht zam verzehr doach.
69.
Des Maigisch sicht ma kaum, vor lauda Zwetschgabaum,
schod das ka Pflasda hod sonst wärs a Schdoadt.
70.
Der Fritzahans vo Boh der werft die Frösch nein Weia nei dann schreid a Holdrio der Fritzahans vo Boh.
copyright by Indi Hofmann
Geändert von IndiHofmann am 18.Nov.2011 21:38
|
|
| |
Beitragsbewertung:
|
Sebastian
|
|
RE: "Magischa Kerwa", 09 Dec. 2008 11:05
|
|
Servus IndiHofmann,
Dein Bericht über die Maigischer Kerwa ist echt gut geschrieben. COOL.
Achja - noch besser sind die Kerwaslieder. Manche davon sind unserer Jugend schon gar nicht mehr bekannt. Gut dass du die mal aufg‘schriem hosd. Danke.
Schöne Grüße aus Maigisch
Sebastian
|
|
| |
Beitragsbewertung:
|
IndiHofmann
Konsul
1144 Beiträge
|
RE: "Magischa Kerwa", 09 Dec. 2008 17:31
|
Hallo Sebastian,
hab Dir ne Mail geschrieben, gib bitte Bescheid ob die angekommen ist, die Adresse ist ziemlich komisch. Wie kommst Du überhaupt ins Forum?
Gruss Konni
|
|
| |
Beitragsbewertung:
|
Rirumu
Gelehrter
125 Beiträge
|
RE: "Magischa Kerwa", 10 Dec. 2008 16:55
|
Hallo Konni,
hast Du schon mal dran gedacht, derartige Lieder und Gedichte zu sammeln und an einen Verlag zu übergeben?
Mit was für einer Melodie wird denn des Kerwa-Lied gesungen?
Ich schicke Dir mal per PN meine Email-Adresse, dann könntest Du evtl. die Melodie mal als Noten einscannen und per Email an mich schicken! Wäre nett, wenn Du des machen könntest.
|
|
| |
Beitragsbewertung:
|
Sebastian
|
|
RE: "Magischa Kerwa", 11 Dec. 2008 09:55
|
|
Hallo Konni,
hab die email nicht bekommen. Meine richtige Mailadresse schreib ich ungern in Gaestebuecher und Foren, da sonst zuviel Spam-mails kommen. Meine richtige email:
maigisch [AT] gmx.de (also einfach das "NoSpam" weglassen;-)
Wie ich ins Forum komme? Ich hab einfach im Google "Maigisch" eingegeben und da hat‘s mir die Seite ausgespuckt. Also reiner Zufall.
Gruß
Sebastian
|
|
| |
Beitragsbewertung:
|
SabineEller
Siedler
17 Beiträge
|
RE: "Magischa Kerwa", 05 Jul. 2009 12:32
|
Konni, irgendwo ist bei mir was schief gegangen oder ich meine ich hab gefragt und dann habe ich nicht: kannst Du mir bitte den Ort sagen, dem Dein Fränkisch entspricht? Ich gebe bei den Vokabeln nämlich die Ortsnamen, wo der Begriff verwendet wird, mit ein, so dass es dann viel einfacher wird, Regeln rauszuarbeiten. Terminolgiearbeit ist Fieselarbeit aber sehr interessant.
|
|
| |
Beitragsbewertung:
|
IndiHofmann
Konsul
1144 Beiträge
|
RE: "Magischa Kerwa", 06 Jul. 2009 08:35
|
Hallo Sabine,
kannst du haben. Der Ort 91358 Weingarts Kreis Forchheim (Obfr).
Gruß Konni
|
|
| |
|
| |
Beitragsbewertung:
|
|
|
|
